Huset på Brauta

Huset kjøpte vi i 2002. Oppussinga var ferdig i desember 2003, då Live kom til verda. No er det på tide med meir plass, og her skal eg prøve å følgje prosessen med dette! Påbygget har eg skissa opp på eigahand, og eg fekk god hjelp av Dagfinn Tynes til å gjere dette om til eit hus. Dessverre gjekk Dagfinn bort i oktober 2009, og huset er no teikna av Arvid Vedvik og sluttføringa blir gjort ved hjelp av Ludvigsen Bygg. Boarealet blir omlag dobla, og i tillegg kjem det garasje i "kjellaren".

søndag 6. september 2009

Drenering

I går fekk eg hengt opp duk i skråninga bak murane, og lagt dreneringsrør rundt heile nybygget. Dermed skulle det vere klart for å fylle bak murane med singel og pukk. Neste prosjekt no blir å forskale og støype diverse bjelkar, og samtidig støype krune på eksisterande murar.

Ikkje så spennande bilder for allmugen, men kjekt å ha sjølv til seinare...

Koplinga der røret frå drensrenna i garasja kjem ut, og drensrøra frå huset møtest. Alle går inn på eit 6-tomsrør som er gravd ned under vegen. Vassrøret frå brønnen passerar også her på veg inn i kummen i vegen.